waaroor idees tot inkomste gaan
jy het nie ‘n perfekte plan nodig om iets van jou eie te begin bou nie
jy kort net die nodige vaardighede, ‘n praktiese idee, en iemand wie jou volgede stappe duidelik verduidelik
dit is waarvoor idee tot inkomste hier is
die probleem was nooit ‘n tekort aan idees nie. die probleem was dat ek altyd meer idees gehad het as wat ek op my eie kon bou
vir ‘n baie lang tyd sou ek iets begin, ‘n nuwe idee kry, and dit eerder wou volg
maar toe besef ek dat om al my idees te deel mense kan help wie die teenoorgestelde probleem het:
hulle soek meer vryheid of ‘n inkomste van hul eie, maar weet nie waar om te begin of wat om te doen nie
en om idees in ‘n platform te omskep was ‘n inkomste idee op sy eie…
dis hoe idees tot inkomste begin het
ek het aanlyn werk geleer deur dit te doen
daar was geen eenvoudige hulpbronne wat my geleer het hoe om dit te doen, waar om werk te kry of hoe om ‘n aanlyn vaardigheid in ‘n inkomste te verander nie
so toe sit ek maar die tyd in
ek het navorsing gedoen, aansoek gedoen, geleer, baie foute gemaak en aanhou probeer
ek het vryskut skryf- en transkripsie werk deur platforms soos upwork en rev gekry, en daarna privaat kliënte ook
ek skryf nogsteeds vir privaat kliënte en werk so nou en dan deur upwork ook
ek het ook ‘n facebook gemeenskap gebou tot meer as 70,000 lede wat inkomste genereer deur besigheidsadvertensies en facebook monetisering
niks van hierdie het gebeur omdat ek een perfekte oplossing ontdek het nie. dit het gebeur omdat ek nodige vaardighede geleer het, geleenthede raakgesien het, en aksie geneem het
hoekom ek idees tot inkomste geskep het
om ‘n inkomste te genereer – natuurlik!
maar, ek wil ook nie hê ander moet so lank vasgevang wees in dieselfde trial-and-error jare soos wat ek was nie
daar is so baie inligting op die internet beskikbaar, maar dit kan moeilik wees om te weet wat regtig help, wat realisties is, en wat iemand net sê sodat hulle ‘n kursus aan jou kan verkoop (ironies, ek weet)
idees tot inkomste is waar ek die dinge deel wat ek geleer het, die idees deel wat ek raaksien, en die geleenthede deel wat ek dink die moeite werd is om te oorweeg
party kursusse leer jou vaardighede. ander wys jou hoe om ‘n platform te gebruik
meeste nie sal doen nie, is vir jou praktiese inkomste idees gee wat jy kan aanpas, toets, of selfs kopieer in jou area
hier is die doel om al drie te doen
wat jy hier kan verwag
daar sal nooit van jou verwag word om alles klaar uitgewerk te hê voor jy begin nie
jy moet net bereid wees om te leer, te probeer, en voorentoe te beweeg
daar is meer as een manier om ‘n aanlyn inkomste te bou
dalk wil jy aanlyn werk en nooit weer ‘n kantoor sien nie
dalk wil jy ‘n klein besigheid begin, ‘n diens verkoop of digitale produkte maak
dit maak regtig nie saak nie
ek glo 100% dat enige idee in iets verander kan word wat inkomste genereer
begin met een waardevolle vaardigheid, een werkbare idee, of een duidelike stap
dis gewoonlik genoeg om te verander wat onmoontlik voel